भजन_ निर्बल होकर कोई जब उन्हें पुकारा है।

निर्बल होकर कोई, जब उन्हें पुकारा है।

निर्बल होकर कोई, जब उन्हें पुकारा है।

निर्बल होकर कोई, जब उन्हें पुकारा है। 

फिर कौन बिगाड़ेगा तेरा राम सहारा है।

निर्बल होकर कोई,

पतवार पे हो रघुवर, तूफान से क्या डरना ।

जब काम हो रघुवर का तो, क्या जीना क्या मरना।

पतवार पे हो रघुवर, तूफान से क्या डरना ।

जब काम हो रघुवर का तो, क्या जीना क्या मरना। 

रघुनाथ के भक्तों का, हो बुलंद सहारा है। 

फिर कौन बिगाड़ेगा तेरा राम सहारा है।

निर्बल होकर कोई,

कोई राम राम कहता,कोई शिव शिव कहता है।

कोई कृष्णा राधे राधे,कोई ध्यान लगाता है।

कोई राम राम कहता,कोई शिव शिव कहता है।

कोई कृष्णा राधे राधे,कोई ध्यान लगाता है।

ये भी हमे प्यारा है,वो भी हमें प्यारा है। 

फिर कौन बिगाड़ेगा तेरा राम सहारा है।

निर्बल होकर कोई,

मैने जीवन सौंप दिया,रघुनाथ के हाथों में।

अब पार लगाएंगे,नैया मेरी हाथों से।

मैने जीवन सौंप दिया,रघुनाथ के हाथों में।

अब पार लगाएंगे,नैया मेरी हाथों से।

रघुनाथ के भक्तों का,कोई कुछ ना बिगाड़ा है। 

फिर कौन बिगाड़ेगा तेरा राम सहारा है।

निर्बल होकर कोई,

तकलीफें जीवन में, आनी और जानी है।

डरना ही मुसीबत से,तेरी नादानी है।

तकलीफें जीवन में, आनी और जानी है।

डरना ही मुसीबत से,तेरी नादानी है। 

हानी तूं भी नहीं दुःख में,हिम्मत नहीं हारा है।

निर्बल होकर कोई, जब उन्हें पुकारा है। 

फिर कौन बिगाड़ेगा तेरा राम सहारा है।

निर्बल होकर कोई,

भजन_ सीताराम सीताराम सीताराम कहिए ।

सीता राम सीता राम,

सीताराम कहिये,

जाहि विधि राखे राम,

ताहि विधि रहिये।

मुख में हो राम नाम,

राम सेवा हाथ में,

तू अकेला नाहिं प्यारे,

राम तेरे साथ में ।

विधि का विधान जान,

हानि लाभ सहिये,

जाहि विधि राखे राम,

ताहि विधि रहिये ॥

सीता राम सीता राम,

सीताराम कहिये,

जाहि विधि राखे राम,

ताहि विधि रहिये ।

किया अभिमान तो फिर,

मान नहीं पायेगा,

होगा प्यारे वही जो,

श्री रामजी को भायेगा ।

फल आशा त्याग,

शुभ कर्म करते रहिये,

जाहि विधि राखे राम,

ताहि विधि रहिये ॥

सीता राम सीता राम,

सीताराम कहिये,

जाहि विधि राखे राम,

ताहि विधि रहिये ।

ज़िन्दगी की डोर सौंप,

हाथ दीनानाथ के,

महलों मे राखे चाहे,

झोंपड़ी मे वास दे ।

धन्यवाद निर्विवाद,

राम राम कहिये,

जाहि विधि राखे राम,

ताहि विधि रहिये ॥

सीता राम सीता राम,

सीताराम कहिये,

जाहि विधि राखे राम,

ताहि विधि रहिये ।

आशा एक रामजी से,

दूजी आशा छोड़ दे,

नाता एक रामजी से,

दूजे नाते तोड़ दे ।

साधु संग राम रंग,

अंग अंग रंगिये,

काम रस त्याग प्यारे,

राम रस पगिये ॥

सीता राम सीता राम,

सीताराम कहिये,

जाहि विधि राखे राम,

ताहि विधि रहिये ।

@9993688582

श्री हनुमान चालीसा

                                           ॥ दोहा ॥

                   श्री गुरु चरन सरोज रज, निज मनु मुकुरु सुधारि।

                   बरनउँ रघुबर बिमल जसु, जो दायकु फल चारि।।

                      बुद्धिहीन तनु जानिके, सुमिरौं पवन कुमार।

                   बल बुद्धि विद्या देहु मोहिं, हरहु कलेश विकार।।

                                  ॥ चौपाई ॥

                               जय हनुमान ज्ञान गुन सागर।

                             जय कपीस तिहुं लोक उजागर।।

                               रामदूत अतुलित बल धामा।

                              अंजनि–पुत्र पवनसुत नामा।।

    

                                महावीर विक्रम बजरंगी।

                             कुमति निवार सुमति के संगी।।

                               कंचन बरन विराज सुवेसा।

                             कानन कुण्डल कुंचित केसा।।

              ‌‌               हाथ बज्र और ध्वजा बिराजै।

                                काँधे मूँज जनेऊ साजै।

                              ‘शंकर स्वयं केसरी नंदन’।

                             तेज प्रताप महा जगबन्दन।।

                            विद्यावान गुनी अति चातुर।

                           राम काज करिबे को आतुर।।

                           प्रभु चरित्र सुनिबे को रसिया।

                           ‌राम लखन सीता मन बसिया।।

                          सूक्ष्म रूप धरि सियहिं दिखावा।

                           विकट रूप धरि लंक जरावा।।

                            भीम रूप धरि असुर संहारे।

                            रामचंद्र जी के काज संवारे।।

                            लाय संजीवन लखन जियाये।

                              श्रीरघुबीर हरषि उर लाये।।

                            रघुपति कीन्हीं बहुत बड़ाई।

                           तुम मम प्रिय भरतहि सम भाई।।

                        ‌‌    सहस बदन तुम्हरो यश गावैं।

                           अस कहि श्रीपति कंठ लगावैं।।

                             सनकादिक ब्रह्मादि मुनीसा।

                             नारद सारद सहित अहीसा।।

                             जम कुबेर दिक्पाल जहां ते।

                            कवि कोविद कहि सके कहां ते।।

                             तुम उपकार सुग्रीवहिं कीन्हा।

                             राम मिलाय राजपद दीन्हा।।

                               तुम्हरो मंत्र विभीषन माना।

                              लंकेश्वर भये सब जग जाना।।

                               जुग सहस्र योजन पर भानू।

                              लील्यो ताहि मधुर फल जानू।।

                               प्रभु मुद्रिका मेलि मुख माहीं।

                            जलधि लांघि गये अचरज नाहीं।।

                                दुर्गम काज जगत के जेते।

                                सुगम अनुग्रह तुम्हरे तेते।।

                                 राम दुआरे तुम रखवारे।

                                होत न आज्ञा बिनु पैसारे।।

                               सब सुख लहै तुम्हारी सरना।

                                तुम रक्षक काहू को डरना।।

                                आपन तेज सम्हारो आपै।

                                तीनों लोक हांक तें कांपै।।

                              भूत–पिशाच निकट नहिं आवै।

                                 महावीर जब नाम सुनावै।।

                                  नासै रोग हरै सब पीरा।

                              जपत निरंतर हनुमत बीरा।।

                                 संकट तें हनुमान छुड़ावै।

                             मन-क्रम-वचन ध्यान जो लावै।।

                            ‘ सब पर राम राज सिर ताजा‘।

                            तिनके काज सकल तुम साजा।

                               और मनोरथ जो कोई लावै।

                             सोई अमित जीवन फल पावै।।

                               चारों जुग परताप तुम्हारा।

                             है परसिद्ध जगत उजियारा।।

                              साधु सन्त के तुम रखवारे।

                              असुर निकंदन राम दुलारे।।

                            अष्ट सिद्धि नव निधि के दाता।

                             अस वर दीन जानकी माता।।

                               राम रसायन तुम्हरे पासा।

                           ‘ सादर हो रघुपति के दासा ‘।।

                             तुम्हरे भजन राम को पावै।

                           जनम-जनम के दुख ‘बिसरावै।।

                              अन्तकाल रघुबरपुर जाई।

                            जहाँ जन्म हरि-भक्त कहाई।।

                              और देवता चित्त न धरई।

                            हनुमत सेई सर्व सुख करई।।

                              संकट कटै मिटै सब पीरा।

                             जो सुमिरै हनुमत बलबीरा।।

                           जय जय जय हनुमान गोसाईं।

                            कृपा करहु गुरुदेव की नाईं।।

                           ‘यह सत बार पाठ कर जोई’ l

                             छूटहि बंदि महासुख होई।।

                          जो यह पढ़ै हनुमान चालीसा।

                           होय सिद्धि साखी गौरीसा।।

                            तुलसीदास सदा हरि चेरा।

                            कीजै नाथ हृदय महँ डेरा।।

                                      ॥ दोहा ॥

                               पवन तनय संकट हरन,

                                  मंगल मूरति रूप।

                               राम लखन सीता सहित,

                                 हृदय बसहु सुर भूप।।

                                     ॥ जय-घोष ॥

                           बोलो सियावर रामचंद्र की जय

                           बोलो पवनसुत हनुमान की जय

                             बोल बजरंगबली की जय।

                             पवनपुत्र हनुमान की जय॥

श्री हनुमानष्टक पाठ

बाल समय रवि भक्ष लियो तब, 

तीनहुं लोक भयो अंधियारों।

ताहि सों त्रास भयो जग को, 

यह संकट काहु सों जात न टारो।

देवन आनि करी बिनती तब, 

छाड़ी दियो रवि कष्ट निवारो।

को नहीं जानत है जग में कपि, 

संकटमोचन नाम तिहारो।

बालि की त्रास कपीस बसैं गिरि, 

जात महाप्रभु पंथ निहारो।

चौंकि महामुनि साप दियो तब, 

चाहिए कौन बिचार बिचारो।

कैद्विज रूप लिवाय महाप्रभु, 

सो तुम दास के सोक निवारो।

को नहीं जानत है जग में कपि, 

संकटमोचन नाम तिहारो।

अंगद के संग लेन गए सिय, 

खोज कपीस यह बैन उचारो।

जीवत ना बचिहौ हम सो जु, 

बिना सुधि लाये इहां पगु धारो।

हेरी थके तट सिन्धु सबे तब, 

लाए सिया-सुधि प्राण उबारो।

को नहीं जानत है जग में कपि, 

संकटमोचन नाम तिहारो।

रावण त्रास दई सिय को सब, 

राक्षसी सों कही सोक निवारो।

ताहि समय हनुमान महाप्रभु, 

जाए महा रजनीचर मरो।

चाहत सीय असोक सों आगि सु, 

दै प्रभु मुद्रिका सोक निवारो।

को नहीं जानत है जग में कपि, 

संकटमोचन नाम तिहारो।

बान लाग्यो उर लछिमन के तब, 

प्राण तजे सूत रावन मारो।

लै गृह बैद्य सुषेन समेत, 

तबै गिरि द्रोण सु बीर उपारो।

आनि सजीवन हाथ दिए तब, 

लछिमन के तुम प्रान उबारो।

को नहीं जानत है जग में कपि, 

संकटमोचन नाम तिहारो।

रावन जुध अजान कियो तब, 

नाग कि फांस सबै सिर डारो।

श्रीरघुनाथ समेत सबै दल, 

मोह भयो यह संकट भारो।

आनि खगेस तबै हनुमान जु, 

बंधन काटि सुत्रास निवारो।

को नहीं जानत है जग में कपि, 

संकटमोचन नाम तिहारो।

बंधू समेत जबै अहिरावन, 

लै रघुनाथ पताल सिधारो।

देबिन्हीं पूजि भलि विधि सों बलि, 

देउ सबै मिलि मंत्र विचारो।

जाये सहाए भयो तब ही, 

अहिरावन सैन्य समेत संहारो।

को नहीं जानत है जग में कपि, 

संकटमोचन नाम तिहारो।

काज किए बड़ देवन के तुम, 

बीर महाप्रभु देखि बिचारो।

कौन सो संकट मोर गरीब को, 

जो तुमसे नहिं जात है टारो।

बेगि हरो हनुमान महाप्रभु, 

जो कछु संकट होए हमारो।

को नहीं जानत है जग में कपि, 

संकटमोचन नाम तिहारो।

       ।। दोहा। ।
   लाल देह लाली लसे, 

  अरु धरि लाल लंगूर।
  वज्र देह दानव दलन, 

 जय जय जय कपि सूर।।

सियावर रामचंद्र जी की जय ।

पवनपुत्र हनुमान जी की जय।

श्री हनुमान बाहुक पाठ

श्रीगणेशाय नमः

श्रीजानकीवल्लभो विजयते
श्रीमद्-गोस्वामी-तुलसीदास-कृत


छप्पय

सिंधु-तरन, सिय-सोच-हरन, रबि-बाल-बरन तनु ।
भुज बिसाल, मूरति कराल कालहुको काल जनु ।।
गहन-दहन-निरदहन लंक निःसंक, बंक-भुव ।
जातुधान-बलवान-मान-मद-दवन पवनसुव ।।
कह तुलसिदास सेवत सुलभ सेवक हित सन्तत निकट ।
गुन-गनत, नमत, सुमिरत, जपत समन सकल-संकट-विकट ।।१।।

स्वर्न-सैल-संकास कोटि-रबि-तरुन-तेज-घन ।
उर बिसाल भुज-दंड चंड नख-बज्र बज्र-तन ।।
पिंग नयन, भृकुटी कराल रसना दसनानन ।
कपिस केस, करकस लँगूर, खल-दल बल भानन ।।
कह तुलसिदास बस जासु उर मारुतसुत मूरति बिकट ।
संताप पाप तेहि पुरुष पहिं सपनेहुँ नहिं आवत निकट ।।२।।

झूलना

पंचमुख-छमुख-भृगु मुख्य भट असुर सुर, सर्व-सरि-समर समरत्थ सूरो ।
बाँकुरो बीर बिरुदैत बिरुदावली, बेद बंदी बदत पैजपूरो ।।
जासु गुनगाथ रघुनाथ कह, जासुबल, बिपुल-जल-भरित जग-जलधि झूरो ।
दुवन-दल-दमनको कौन तुलसीस है, पवन को पूत रजपूत रुरो ।।३।।

घनाक्षरी

भानुसों पढ़न हनुमान गये भानु मन-अनुमानि सिसु-केलि कियो फेरफार सो ।
पाछिले पगनि गम गगन मगन-मन, क्रम को न भ्रम, कपि बालक बिहार सो ।।
कौतुक बिलोकि लोकपाल हरि हर बिधि, लोचननि चकाचौंधी चित्तनि खभार सो।
बल कैंधौं बीर-रस धीरज कै, साहस कै, तुलसी सरीर धरे सबनि को सार सो ।।४।।
भारत में पारथ के रथ केथू कपिराज, गाज्यो सुनि कुरुराज दल हल बल भो ।
कह्यो द्रोन भीषम समीर सुत महाबीर, बीर-रस-बारि-निधि जाको बल जल भो ।।
बानर सुभाय बाल केलि भूमि भानु लागि, फलँग फलाँग हूँतें घाटि नभतल भो ।
नाई-नाई माथ जोरि-जोरि हाथ जोधा जोहैं, हनुमान देखे जगजीवन को फल भो ।।५

गो-पद पयोधि करि होलिका ज्यों लाई लंक, निपट निसंक परपुर गलबल भो ।
द्रोन-सो पहार लियो ख्याल ही उखारि कर, कंदुक-ज्यों कपि खेल बेल कैसो फल भो ।।
संकट समाज असमंजस भो रामराज, काज जुग पूगनि को करतल पल भो ।
साहसी समत्थ तुलसी को नाह जाकी बाँह, लोकपाल पालन को फिर थिर थल भो ।।६

कमठ की पीठि जाके गोडनि की गाड़ैं मानो, नाप के भाजन भरि जल निधि जल भो ।
जातुधान-दावन परावन को दुर्ग भयो, महामीन बास तिमि तोमनि को थल भो ।।
कुम्भकरन-रावन पयोद-नाद-ईंधन को, तुलसी प्रताप जाको प्रबल अनल भो ।
भीषम कहत मेरे अनुमान हनुमान, सारिखो त्रिकाल न त्रिलोक महाबल भो ।।७


दूत रामराय को, सपूत पूत पौनको, तू अंजनी को नन्दन प्रताप भूरि भानु सो ।
सीय-सोच-समन, दुरित दोष दमन, सरन आये अवन, लखन प्रिय प्रान सो ।।
दसमुख दुसह दरिद्र दरिबे को भयो, प्रकट तिलोक ओक तुलसी निधान सो ।
ज्ञान गुनवान बलवान सेवा सावधान, साहेब सुजान उर आनु हनुमान सो ।।८

दवन-दुवन-दल भुवन-बिदित बल, बेद जस गावत बिबुध बंदीछोर को ।
पाप-ताप-तिमिर तुहिन-विघटन-पटु, सेवक-सरोरुह सुखद भानु भोर को ।।
लोक-परलोक तें बिसोक सपने न सोक, तुलसी के हिये है भरोसो एक ओर को ।
राम को दुलारो दास बामदेव को निवास, नाम कलि-कामतरु केसरी-किसोर को ।।९।।

महाबल-सीम महाभीम महाबान इत, महाबीर बिदित बरायो रघुबीर को ।
कुलिस-कठोर तनु जोरपरै रोर रन, करुना-कलित मन धारमिक धीर को ।।
दुर्जन को कालसो कराल पाल सज्जन को, सुमिरे हरनहार तुलसी की पीर को ।
सीय-सुख-दायक दुलारो रघुनायक को, सेवक सहायक है साहसी समीर को ।।१०।।
रचिबे को बिधि जैसे, पालिबे को हरि, हर मीच मारिबे को, ज्याईबे को सुधापान भो ।
धरिबे को धरनि, तरनि तम दलिबे को, सोखिबे कृसानु, पोषिबे को हिम-भानु भो ।।
खल-दुःख दोषिबे को, जन-परितोषिबे को, माँगिबो मलीनता को मोदक सुदान भो ।
आरत की आरति निवारिबे को तिहुँ पुर, तुलसी को साहेब हठीलो हनुमान भो ।।११।।

सेवक स्योकाई जानि जानकीस मानै कानि, सानुकूल सूलपानि नवै नाथ नाँक को ।
देवी देव दानव दयावने ह्वै जोरैं हाथ, बापुरे बराक कहा और राजा राँक को ।।
जागत सोवत बैठे बागत बिनोद मोद, ताके जो अनर्थ सो समर्थ एक आँक को ।
सब दिन रुरो परै पूरो जहाँ-तहाँ ताहि, जाके है भरोसो हिये हनुमान हाँक को ।।१२।।

सानुग सगौरि सानुकूल सूलपानि ताहि, लोकपाल सकल लखन राम जानकी ।
लोक परलोक को बिसोक सो तिलोक ताहि, तुलसी तमाइ कहा काहू बीर आनकी ।।
केसरी किसोर बन्दीछोर के नेवाजे सब, कीरति बिमल कपि करुनानिधान की ।
बालक-ज्यों पालिहैं कृपालु मुनि सिद्ध ताको, जाके हिये हुलसति हाँक हनुमान की ।।१३
बामदेव-रुप भूप राम के सनेही, नाम लेत-देत अर्थ धर्म काम निरबान हौ ।।
आपने प्रभाव सीताराम के सुभाव सील, लोक-बेद-बिधि के बिदूष हनुमान हौ ।
मन की बचन की करम की तिहूँ प्रकार, तुलसी तिहारो तुम साहेब सुजान हौ ।।१४।।



मन को अगम, तन सुगम किये कपीस, काज महाराज के समाज साज साजे हैं ।
देव-बंदी छोर रनरोर केसरी किसोर, जुग जुग जग तेरे बिरद बिराजे हैं ।
बीर बरजोर, घटि जोर तुलसी की ओर, सुनि सकुचाने साधु खल गन गाजे हैं ।
बिगरी सँवार अंजनी कुमार कीजे मोहिं, जैसे होत आये हनुमान के निवाजे हैं ।।१५।।


सवैया

जान सिरोमनि हौ हनुमान सदा जन के मन बास तिहारो ।
ढ़ारो बिगारो मैं काको कहा केहि कारन खीझत हौं तो तिहारो ।।
साहेब सेवक नाते तो हातो कियो सो तहाँ तुलसी को न चारो ।
दोष सुनाये तें आगेहुँ को होशियार ह्वैं हों मन तौ हिय हारो ।।१६।।

तेरे थपे उथपै न महेस, थपै थिरको कपि जे घर घाले ।
तेरे निवाजे गरीब निवाज बिराजत बैरिन के उर साले ।।
संकट सोच सबै तुलसी लिये नाम फटै मकरी के से जाले ।
बूढ़ भये, बलि, मेरिहि बार, कि हारि परे बहुतै नत पाले ।।१७।।

सिंधु तरे, बड़े बीर दले खल, जारे हैं लंक से बंक मवा से ।
तैं रनि-केहरि केहरि के बिदले अरि-कुंजर छैल छवा से ।।
तोसों समत्थ सुसाहेब सेई सहै तुलसी दुख दोष दवा से ।
बानर बाज ! बढ़े खल-खेचर, लीजत क्यों न लपेटि लवा-से ।।१८।।
अच्छ-विमर्दन कानन-भानि दसानन आनन भा न निहारो ।
बारिदनाद अकंपन कुंभकरन्न-से कुंजर केहरि-बारो ।।
राम-प्रताप-हुतासन, कच्छ, बिपच्छ, समीर समीर-दुलारो ।
पाप-तें साप-तें ताप तिहूँ-तें सदा तुलसी कहँ सो रखवारो ।।१९।।

घनाक्षरी

जानत जहान हनुमान को निवाज्यौ जन, मन अनुमानि बलि, बोल न बिसारिये ।
सेवा-जोग तुलसी कबहुँ कहा चूक परी, साहेब सुभाव कपि साहिबी सँभारिये ।।
अपराधी जानि कीजै सासति सहस भाँति, मोदक मरै जो ताहि माहुर न मारिये ।
साहसी समीर के दुलारे रघुबीर जू के, बाँह पीर महाबीर बेगि ही निवारिये ।।२०।।

बालक बिलोकि, बलि बारेतें आपनो कियो, दीनबन्धु दया कीन्हीं निरुपाधि न्यारिये ।
रावरो भरोसो तुलसी के, रावरोई बल, आस रावरीयै दास रावरो बिचारिये ।।
बड़ो बिकराल कलि, काको न बिहाल कियो, माथे पगु बलि को, निहारि सो निवारिये ।
केसरी किसोर, रनरोर, बरजोर बीर, बाँहुपीर राहुमातु ज्यौं पछारि मारिये ।।२१।।

उथपे थपनथिर थपे उथपनहार, केसरी कुमार बल आपनो सँभारिये ।
राम के गुलामनि को कामतरु रामदूत, मोसे दीन दूबरे को तकिया तिहारिये ।।
साहेब समर्थ तोसों तुलसी के माथे पर, सोऊ अपराध बिनु बीर, बाँधि मारिये ।
पोखरी बिसाल बाँहु, बलि, बारिचर पीर, मकरी ज्यौं पकरि कै बदन बिदारिये ।।२२।।
राम को सनेह, राम साहस लखन सिय, राम की भगति, सोच संकट निवारिये ।
मुद-मरकट रोग-बारिनिधि हेरि हारे, जीव-जामवंत को भरोसो तेरो भारिये ।।
कूदिये कृपाल तुलसी सुप्रेम-पब्बयतें, सुथल सुबेल भालू बैठि कै बिचारिये ।
महाबीर बाँकुरे बराकी बाँह-पीर क्यों न, लंकिनी ज्यों लात-घात ही मरोरि मारिये ।।२३।।

लोक-परलोकहुँ तिलोक न बिलोकियत, तोसे समरथ चष चारिहूँ निहारिये ।
कर्म, काल, लोकपाल, अग-जग जीवजाल, नाथ हाथ सब निज महिमा बिचारिये ।।
खास दास रावरो, निवास तेरो तासु उर, तुलसी सो देव दुखी देखियत भारिये ।
बात तरुमूल बाँहुसूल कपिकच्छु-बेलि, उपजी सकेलि कपिकेलि ही उखारिये ।।२४।।
करम-कराल-कंस भूमिपाल के भरोसे, बकी बकभगिनी काहू तें कहा डरैगी ।
बड़ी बिकराल बाल घातिनी न जात कहि, बाँहूबल बालक छबीले छोटे छरैगी ।।
आई है बनाइ बेष आप ही बिचारि देख, पाप जाय सबको गुनी के पाले परैगी ।
पूतना पिसाचिनी ज्यौं कपिकान्ह तुलसी की, बाँहपीर महाबीर तेरे मारे मरैगी ।।२५।।

भालकी कि कालकी कि रोष की त्रिदोष की है, बेदन बिषम पाप ताप छल छाँह की ।
करमन कूट की कि जन्त्र मन्त्र बूट की, पराहि जाहि पापिनी मलीन मन माँह की ।।
पैहहि सजाय, नत कहत बजाय तोहि, बाबरी न होहि बानि जानि कपि नाँह की ।
आन हनुमान की दुहाई बलवान की, सपथ महाबीर की जो रहै पीर बाँह की ।।२६।।

सिंहिका सँहारि बल, सुरसा सुधारि छल, लंकिनी पछारि मारि बाटिका उजारी है ।
लंक परजारि मकरी बिदारि बारबार, जातुधान धारि धूरिधानी करि डारी है ।।
तोरि जमकातरि मंदोदरी कढ़ोरि आनी, रावन की रानी मेघनाद महँतारी है ।
भीर बाँह पीर की निपट राखी महाबीर, कौन के सकोच तुलसी के सोच भारी है ।।२७।।
तेरो बालि केलि बीर सुनि सहमत धीर, भूलत सरीर सुधि सक्र-रबि-राहु की ।
तेरी बाँह बसत बिसोक लोकपाल सब, तेरो नाम लेत रहै आरति न काहु की ।।
साम दान भेद बिधि बेदहू लबेद सिधि, हाथ कपिनाथ ही के चोटी चोर साहु की ।
आलस अनख परिहास कै सिखावन है, एते दिन रही पीर तुलसी के बाहु की ।।२८।।

टूकनि को घर-घर डोलत कँगाल बोलि, बाल ज्यों कृपाल नतपाल पालि पोसो है ।
कीन्ही है सँभार सार अँजनी कुमार बीर, आपनो बिसारि हैं न मेरेहू भरोसो है ।।
इतनो परेखो सब भाँति समरथ आजु, कपिराज साँची कहौं को तिलोक तोसो है ।
सासति सहत दास कीजे पेखि परिहास, चीरी को मरन खेल बालकनि को सो है ।।२९।।

आपने ही पाप तें त्रिपात तें कि साप तें, बढ़ी है बाँह बेदन कही न सहि जाति है ।
औषध अनेक जन्त्र मन्त्र टोटकादि किये, बादि भये देवता मनाये अधिकाति है ।।
करतार, भरतार, हरतार, कर्म काल, को है जगजाल जो न मानत इताति है ।
चेरो तेरो तुलसी तू मेरो कह्यो राम दूत, ढील तेरी बीर मोहि पीर तें पिराति है ।।३०।।

दूत राम राय को, सपूत पूत बाय को, समत्व हाथ पाय को सहाय असहाय को ।
बाँकी बिरदावली बिदित बेद गाइयत, रावन सो भट भयो मुठिका के घाय को ।।
एते बड़े साहेब समर्थ को निवाजो आज, सीदत सुसेवक बचन मन काय को ।
थोरी बाँह पीर की बड़ी गलानि तुलसी को, कौन पाप कोप, लोप प्रकट प्रभाय को ।।३१।।

देवी देव दनुज मनुज मुनि सिद्ध नाग, छोटे बड़े जीव जेते चेतन अचेत हैं ।
पूतना पिसाची जातुधानी जातुधान बाम, राम दूत की रजाइ माथे मानि लेत हैं ।।
घोर जन्त्र मन्त्र कूट कपट कुरोग जोग, हनुमान आन सुनि छाड़त निकेत हैं ।
क्रोध कीजे कर्म को प्रबोध कीजे तुलसी को, सोध कीजे तिनको जो दोष दुख देत हैं ।।३२।।

तेरे बल बानर जिताये रन रावन सों, तेरे घाले जातुधान भये घर-घर के ।
तेरे बल रामराज किये सब सुरकाज, सकल समाज साज साजे रघुबर के ।।
तेरो गुनगान सुनि गीरबान पुलकत, सजल बिलोचन बिरंचि हरि हर के ।
तुलसी के माथे पर हाथ फेरो कीसनाथ, देखिये न दास दुखी तोसो कनिगर के ।।३३।।

पालो तेरे टूक को परेहू चूक मूकिये न, कूर कौड़ी दूको हौं आपनी ओर हेरिये ।
भोरानाथ भोरे ही सरोष होत थोरे दोष, पोषि तोषि थापि आपनी न अवडेरिये ।।
अँबु तू हौं अँबुचर, अँबु तू हौं डिंभ सो न, बूझिये बिलंब अवलंब मेरे तेरिये ।
बालक बिकल जानि पाहि प्रेम पहिचानि, तुलसी की बाँह पर लामी लूम फेरिये ।।३४।।

घेरि लियो रोगनि, कुजोगनि, कुलोगनि ज्यौं, बासर जलद घन घटा धुकि धाई है ।
बरसत बारि पीर जारिये जवासे जस, रोष बिनु दोष धूम-मूल मलिनाई है ।।
करुनानिधान हनुमान महा बलवान, हेरि हँसि हाँकि फूँकि फौजैं ते उड़ाई है ।
खाये हुतो तुलसी कुरोग राढ़ राकसनि, केसरी किसोर राखे बीर बरिआई है ।।३५।।

सवैया
राम गुलाम तु ही हनुमान गोसाँई सुसाँई सदा अनुकूलो ।
पाल्यो हौं बाल ज्यों आखर दू पितु मातु सों मंगल मोद समूलो ।।
बाँह की बेदन बाँह पगार पुकारत आरत आनँद भूलो ।
श्री रघुबीर निवारिये पीर रहौं दरबार परो लटि लूलो ।।३६।।

घनाक्षरी

काल की करालता करम कठिनाई कीधौं, पाप के प्रभाव की सुभाय बाय बावरे ।
बेदन कुभाँति सो सही न जाति राति दिन, सोई बाँह गही जो गही समीर डाबरे ।।
लायो तरु तुलसी तिहारो सो निहारि बारि, सींचिये मलीन भो तयो है तिहुँ तावरे ।
भूतनि की आपनी पराये की कृपा निधान, जानियत सबही की रीति राम रावरे ।।३७।।

पाँय पीर पेट पीर बाँह पीर मुँह पीर, जरजर सकल पीर मई है ।
देव भूत पितर करम खल काल ग्रह, मोहि पर दवरि दमानक सी दई है ।।
हौं तो बिनु मोल के बिकानो बलि बारेही तें, ओट राम नाम की ललाट लिखि लई है ।
कुँभज के किंकर बिकल बूढ़े गोखुरनि, हाय राम राय ऐसी हाल कहूँ भई है ।।३८।।

बाहुक-सुबाहु नीच लीचर-मरीच मिलि, मुँहपीर केतुजा कुरोग जातुधान हैं ।

राम नाम जगजाप कियो चहों सानुराग, काल कैसे दूत भूत कहा मेरे मान हैं ।।

सुमिरे सहाय राम लखन आखर दोऊ, जिनके समूह साके जागत जहान हैं ।

तुलसी सँभारि ताड़का सँहारि भारि भट, बेधे बरगद से बनाइ बानवान हैं ।।३९।।

बालपने सूधे मन राम सनमुख भयो, राम नाम लेत माँगि खात टूकटाक हौं ।

परयो लोक-रीति में पुनीत प्रीति राम राय, मोह बस बैठो तोरि तरकि तराक हौं ।।

खोटे-खोटे आचरन आचरत अपनायो, अंजनी कुमार सोध्यो रामपानि पाक हौं ।

तुलसी गुसाँई भयो भोंडे दिन भूल गयो, ताको फल पावत निदान परिपाक हौं ।।४०।।

असन-बसन-हीन बिषम-बिषाद-लीन, देखि दीन दूबरो करै न हाय हाय को ।

तुलसी अनाथ सो सनाथ रघुनाथ कियो, दियो फल सील सिंधु आपने सुभाय को ।।

नीच यहि बीच पति पाइ भरु हाईगो, बिहाइ प्रभु भजन बचन मन काय को ।

ता तें तनु पेषियत घोर बरतोर मिस, फूटि फूटि निकसत लोन राम राय को ।।४१।।

जीओं जग जानकी जीवन को कहाइ जन, मरिबे को बारानसी बारि सुरसरि को ।

तुलसी के दुहूँ हाथ मोदक हैं ऐसे ठाँउ, जाके जिये मुये सोच करिहैं न लरि को ।।

मोको झूटो साँचो लोग राम को कहत सब, मेरे मन मान है न हर को न हरि को ।

भारी पीर दुसह सरीर तें बिहाल होत, सोऊ रघुबीर बिनु सकै दूर करि को ।।४२।।

सीतापति साहेब सहाय हनुमान नित, हित उपदेश को महेस मानो गुरु कै ।

मानस बचन काय सरन तिहारे पाँय, तुम्हरे भरोसे सुर मैं न जाने सुर कै ।।

ब्याधि भूत जनित उपाधि काहु खल की, समाधि कीजे तुलसी को जानि जन फुर कै ।

कपिनाथ रघुनाथ भोलानाथ भूतनाथ, रोग सिंधु क्यों न डारियत गाय खुर कै ।।४३।।

कहों हनुमान सों सुजान राम राय सों, कृपानिधान संकर सों सावधान सुनिये ।

हरष विषाद राग रोष गुन दोष मई, बिरची बिरञ्ची सब देखियत दुनिये ।।

माया जीव काल के करम के सुभाय के, करैया राम बेद कहैं साँची मन गुनिये ।

तुम्ह तें कहा न होय हा हा सो बुझैये मोहि, हौं हूँ रहों मौनही बयो सो जानि लुनिये ।।४४।।

पाठ करें श्री हनुमत बाहुक का ,कारज सफल सिद्ध करे श्री हनुमान।।

सियावर रामचंद्र जी की जय। 

पवन पुत्र हनुमान जी की जय। 

बोलो भाई सब संतन की जय।

श्री बजरंग बाण पाठ

      

              दोहा

       निश्चय प्रेम प्रतीति ते, 

       बिनय करैं सन मान।

  तेहि के कारज सकल शुभ, 

        सिद्ध करैं हनुमान॥

 

              चौपाई

जय हनुमंत संत हितकारी।

सुन लीजै प्रभु अरज हमारी॥

जन के काज बिलंब न कीजै।

आतुर दौरि महा सुख दीजै॥

जैसे कूदि सिंधु महिपारा।

सुरसा बदन पैठि बिस्तारा॥

आगे जाय लंकिनी रोका।

मारेहु लात गई सुरलोका॥

जाय बिभीषन को सुख दीन्हा।

सीता निरखि परमपद लीन्हा॥

बाग उजारि सिंधु महँ बोरा।

अति आतुर जमकातर तोरा॥

अक्षय कुमार मारि संहारा।

लूम लपेटि लंक को जारा॥

लाह समान लंक जरि गई।

जय जय धुनि सुरपुर नभ भई॥

अब बिलंब केहि कारन स्वामी।

कृपा करहु उर अंतरयामी॥

जय जय लखन प्रान के दाता।

आतुर ह्वै दुख करहु निपाता॥

जै हनुमान जयति बल-सागर।

सुर-समूह-समरथ भट-नागर॥

ॐ हनु हनु हनु हनुमंत हठीले।

बैरिहि मारु बज्र की कीले॥

ॐ ह्नीं ह्नीं ह्नीं हनुमंत कपीसा।

ॐ हुं हुं हुं हनु अरि उर सीसा॥

जय अंजनि कुमार बलवंता।

शंकरसुवन बीर हनुमंता॥

बदन कराल काल-कुल-घालक।

राम सहाय सदा प्रतिपालक॥

भूत, प्रेत, पिसाच निसाचर।

अगिन बेताल काल मारी मर॥

इन्हें मारु, तोहि सपथ राम की।

राखु नाथ मरजाद नाम की॥

सत्य होहु हरि सपथ पाइ कै।

राम दूत धरु मारु धाइ कै॥

जय जय जय हनुमंत अगाधा।

दुख पावत जन केहि अपराधा॥

पूजा जप तप नेम अचारा।

नहिं जानत कछु दास तुम्हारा॥

बन उपबन मग गिरि गृह माहीं।

तुम्हरे बल हौं डरपत नाहीं॥

जनकसुता हरि दास कहावौ।

ताकी सपथ बिलंब न लावौ॥

जै जै जै धुनि होत अकासा।

सुमिरत होय दुसह दुख नासा॥

चरन पकरि, कर जोरि मनावौं।

यहि औसर अब केहि गोहरावौं॥

उठु, उठु, चलु, तोहि राम दुहाई।

पायँ परौं, कर जोरि मनाई॥

ॐ चं चं चं चं चपल चलंता।

ॐ हनु हनु हनु हनु हनुमंता॥

ॐ हं हं हाँक देत कपि चंचल।

ॐ सं सं सहमि पराने खल-दल॥

अपने जन को तुरत उबारौ।

सुमिरत होय आनंद हमारौ॥

यह बजरंग-बाण जेहि मारै।

ताहि कहौ फिरि कवन उबारै॥

पाठ करै बजरंग-बाण की।

हनुमत रक्षा करै प्रान की॥

यह बजरंग बाण जो जापैं।

तासों भूत-प्रेत सब कापैं॥

धूप देय जो जपै हमेसा।

ताके तन नहिं रहै कलेसा॥ 

 

              दोहा

   उर प्रतीति दृढ़, सरन ह्वै, 

     पाठ करै धरि ध्यान।

        बाधा सब हर, 

करैं सब काम सफल हनुमान॥

सियावर रामचंद्र जी की जय।

पवनपुत्र हनुमान जी की जय।

श्री हनुमान जी की आरती

आरती कीजै हनुमान लला की।

दुष्ट दलन रघुनाथ कला की।।

जाके बल से गिरिवर कांपे।

रोग दोष जाके निकट न झांके।।

अंजनि पुत्र महाबलदायी।

संतान के प्रभु सदा सहाई।।

दे बीरा रघुनाथ पठाए।
लंका जारी सिया सुध लाए।।

लंका सो कोट समुद्र सी खाई।
जात पवनसुत बार न लाई।।

लंका जारी असुर संहारे।
सियारामजी के काज संवारे।।

लक्ष्मण मूर्छित पड़े सकारे।
आणि संजीवन प्राण उबारे।।

पैठी पताल तोरि जमकारे।
अहिरावण की भुजा उखाड़े।।

बाएं भुजा असुर दल मारे।
दाहिने भुजा संतजन तारे।।

सुर-नर-मुनि जन आरती उतारे।
जै जै जै हनुमान उचारे।।

कंचन थार कपूर लौ छाई।
आरती करत अंजना माई।।

लंकविध्वंस कीन्ह रघुराई।
तुलसीदास प्रभु कीरति गाई।।

जो हनुमानजी की आरती गावै।
बसी बैकुंठ परमपद पावै।।

आरती कीजे हनुमान लला की।

दुष्ट दलन रघुनाथ कला की।।

सियावर रामचंद्र जी की जय ।

पवनसुत हनुमान जी की जय।

बोलो भाई सब संतन की जय।